Bakıda sevgilisindən ayrılan yeniyetmə qız özünü asıb YENİLƏNİB

Hadisə

11:07 16.02.2018

Bakı şəhəri, Yasamal rayonunda intihar edən qızın adı açıqlanıb.

Mynews.az-ın Report-a istinadən xəbərinə görə, bu, 2001-ci il təvəllüdlü Fatimə Abbasovadır. 

O, rəfiqəsinin mənzilində özünü asaraq intihar edib.

09:47

Yasamal rayonunda intihar hadisəsi baş verib.

Mynews.az-ın Report-a istinadən xəbərinə görə, hadisə Abbas Mirzə Şərifzadə küçəsində yerləşən binada qeydə alınıb.

Belə ki, 2003-cü il təvəllüdlü, adı və soyadı hələlik açıqlanmayan qız rəfiqəsinin yaşadığı evə qonaq gəlib. O, sevgilisindən ayrıldığını bildirib və gecə saatlarında yatdığı otaqda özünü asıb. 

Hadisənin baş verdiyi mənzilə Yasamal Rayon Prokurorluğunun və Yasamal Rayon Polis İdarəsinin 29-cu Polis Bölməsinin əməkdaşları tərəfindən baxış keçirilib. 

Meyit Məhkəmə Tibbi Ekspertiza və Patoloji Anatomiya Birliyinə təhvil verilib.

Faktla bağlı Yasamal Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.