USD 1.70
EUR 1,8441
RUB 0.0175
BREND 78.91
Bakı
7°

Binadan düşən fasad şüşəsi azərbaycanlı məktəblini doğradı

Hadisə
12:32 01.03.2018
Binadan düşən fasad şüşəsi azərbaycanlı məktəblini doğradı

Hadisə

12:32 01.03.2018

Tbilisinin Barataşvili küçəsində yerləşən binaların birindən düşən fasad şüşəsi 6 uşağa xəsarət yetirib.

Mynews.az-ın APA TV-yə istinadən məlumatına görə, uşaqlardan biri azərbaycanlı, 14 yaşlı Aslan Məmmədov aldığı ağır xəsarətlərdən xəstəxanada dünyasını dəyişib.

Bu barədə yeniyetmənin yerləşdirildiyi İnqorovka adına xəstəxanadan bildirilib. Həkimlərin sözlərinə görə, uşağın travmaları çox ağır olub və əməliyyat zamanı onun ürəyi dayanıb.

Tbilisinin Barataşvili küçəsində üzərinə fasad şüşəsi düşmüş məktəblilərdən daha üçünün azərbaycanlı olduğu məlum olub. Uşaqlar hazırda xəstəxanadadır. Onların vəziyyəti stabildir və bu gün evə buraxılacağı gözlənilir.

Uşaqların dediyinə görə, onlar Tbilisiyə ekskursiyaya gəliblər və dayanacaqda düşəndən sonra bədbəxt hadisə baş verib. Onlar şəhərin Zemo Poniçala qəsəbəsində yerləşən 70 saylı məktəbin şagirdləridir.


Hadisə

Xəbər lenti

300x200r