Sabirabadda qəzaya düşən polis zabiti öldü

11:46 04.03.2018

Hadisə

İki gün əvvəl Sabirabad rayonunda baş vermiş qəzada ağır xəsarət alımış polis zabiti dünyasını dəyişib.

Mynews.az virtualaz.org-a istinadən məlumatına görə, Sabirabad rayonunun Qaratəpə kəndində yaşayan 25 yaşlı polis baş leytnantı Yusif Vəli oğlu Hüseynov Sabirabad rayon Polis Şöbəsinin əməliyyatçısı işləyib. O, mart ayının 2-də baş vermiş yol-nəqliyyat qəzasından sonra ağır vəziyyətdə Bakı şəhərindəki xəstəxanalardan birinə yerləşdirilimişdi.

Qəza zamanı "VAZ-2107", "NİSSAN" və "Mercedes" markalı minik avtomobilləri toqquşub. Hadisə nəticəsində "VAZ-2107"in sürücüsü, Sabirbad rayonu, Qaratəpə kənd sakini, 25 yaşlı Yusif Vəli oğlu Hüseynov , "NİSSAN"ın sürücüsü, rayonun Qalaqıyın kənd sakini Elşən Eyvaz oğlu Hüseynov və iki nəfər sərnişini-həmkəndlisi Nicat Ramiz oğlu Quliyev, Türkədi kənd sakini Elxan İlham oğlu Dadaşov müxtəlif dərəcəli xəsarətlərlə Sabirabad Rayon Mərkəzi Xəstəxanasına yerləşdirilmişdilər.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az