Bakı metrosunda QORXUNC HADİSƏ - Sərnişin relslərin üstünə yıxıldı YENİLƏNİB

Hadisə

13:09 16.03.2018

Bakı metropolitenin “İçərişəhər” stansiyasında relslərin üzərinə yıxılan şəxsin kimliyi məlum olub.

Mynews.az-ın məlumatına görə, bu barədə “Bakı Metropoliteni” Qapalı Səhmdar Cəmiyyətinin mətbuat xidməti və ictimaiyyətlə əlaqələr şöbəsinin rəisi Nəsimi Paşayev məlumat verib. O bildirib ki, hadisə ehtiyatsızlıq səbəbindən baş verib:

“85 yaşlı Məmmədova Sürayyə Söhbət qızı “İçərişəhər” stansiyasında qatardan endikdən sonra çölə çıxmaq istəyərkən səhv tərəfə dönərək relslərin üzərinə yıxılıb. Hazırda ciddi bir xəsarəti olmasa da hər ehtimala qarşı Təcili Tibbi Yardım çağırmışıq. Sadəcə qatarların hərəkətində 3 dəqiqə ləngimə olub”.

12:54

Bakı metrosunun "İçərişəhər" stansiyasında həyəcanlı anlar yaşanıb.

Mynews.az xəbər verir ki, Sərnişin qatar yoluna yıxılıb.

Bu barədə "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev məlumat verib:

"Bu dəqiqələrdə (12:55) "İçərişəhər" stansiyasında sərnişin qatar yoluna (relslərin üstünə) yıxılıb. Qatar olmayan vaxt. Gərginliyi çıxarıb sərnişini çıxartmağa çalışırıq. Xətdə müəyyən gecikmə olacaq. Xahiş olunur nəzərə alasınız. Daha ətraflı 10 dəqiqə sonra məlumat verə bilərəm".