Rusiyada azərbaycanlının rəhbərlik etdiyi dəstə saxlanıldı

Hadisə

16:22 13.09.2018

Peterburq polisi daşınmaz əmlak üzərində mülkiyyət hüququ verən imza üçün saxta sənədlərlə insanları aldadan qara realton dəstəsini saxlayıb. 

Mynews.az “Fontanka” nəşrinə istinadla xəbər verir ki, qruplaşmaya əvvəllər məhkum olunmuş 40 yaşlı Azərbaycan vətəndaşı rəhbərlik edib.

Onun göstərişlərinə əvvəllər məhkum olunmuş iki rusiyalı və bir nəfər Mərkəzi asiyalı əməl ediblər. 

Polisdən bildirilib ki, 2009-cu ilin aprelindən 2011-ci ilin fevralınadək Nevsk rayon sakininin öldüyündən xəbərdar olan dəstə üzvləri həmin şəxsin evində saxta sənədlərlə yaşayıblar. Bununla onlar Nevsk rayon administrasiyasına 2,8 milyon rubl (40 min dollardan çox - red.) zərər vurublar. 

Dəstə üzvləri bununla kifayətlənməyərək, fevral ayından iyuna qədər alkoqolizmdən əziyyət çəkən Rabfakovsk sakininə qarşı da oxşar əməl törədib. Bununla onlar 3,2 milyon rubl (46 min dollar - red.) zərər vurublar.  

Onların yaşadıqları evdə axtarışlar zamanı hazırlanmış saxta sənədlər aşkar edilib. Onlara qarşı dələduzluq maddəsilə cinayət işi açılıb, dəstənin bütün üzvləri saxlanılıb.