USD 1.70
EUR 1,8441
RUB 0.0175
BREND 78.91
Bakı
7°

Bakıda 30-a yaxın ağac aşdı BŞİH gücləndirilmiş iş rejiminə keçdi

Hadisə
15:46 25.10.2018
Bakıda 30-a yaxın ağac aşdı BŞİH gücləndirilmiş iş rejiminə keçdi

Hadisə

15:46 25.10.2018

Bakıda 30-a yaxın ağac aşaraq fəsadlar törədib.

Mynews.az xəbər verir ki, bunu olaraq Trend-ə Bakı şəhər İcra Hakimiyyəti Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov deyib. Onun sözlərinə görə, hadisə baş verən yerlərə işçi qüvvəsi cəlb olunub:

“Ötən axşamdan bəri əsən güclü külək paytaxtın müxtəlif ünvanlarında 30-a yaxın ağacın budaqlarının sınması və aşması ilə nəticələnib. Sakinlərin müraciətləri əsasında həmin ərazilərə işçi qüvvəsi cəlb olunub, qırılmış budaqlar və aşmış ağaclar oradan götürülüb”.

Şöbə rəisi qeyd edib ki, qurum ötən gecədən etibarən gücləndirilmiş iş rejiminə keçib:

“Bitkilərin mühafizəsi idarəsinin 30-a yaxın əməkdaşı gücləndirilmiş iş rejiminə keçib. Onlar ötən gecədən iş başındadırlar”.

Qeyd edək ki, aşan ağacların bir neçəsi yaxınlıqda park edilən avtomobillərə də ziyan vurub.


Hadisə

Xəbər lenti