Gənc oğlan dəhşətli hadisədən danışdı - "Yoldaşım duş qəbul edib çıxanda..." - VİDEO
Bakının Suraxanı rayonunda ailə quran gənclər isə dəm qazı boğulmasından xilas edilib.
ARB TV xəbər verir ki, Suraxanı Rayon Polis İdarəsi 33-cü Polis Bölməsinə Yeni Günəşli qəsəbəsində qonşu mərtəbədə yerləşən mənzilə su axması və içəridən xırıltı səslərinin gəlməsi barədə məlumat daxil olub.
Dərhal hadisə yerinə yollanan sahə inspektoru polis kapitanı Nazim Əzizov və əməliyyat müvəkkili polis leytenantı Pünhan Mehdiyev evdə olan şəxslərin dəm qazından zəhərlənməsini müəyyən ediblər. Polislər qonşuların iştirakı ilə ikinci mərtəbədə yerləşən mənzilin eyvanındakı pəncərəni qıraraq içəri daxil olublar. Toğrul Hidayətzadə və onun həyat yoldaşı Aysel halsız vəziyyətdə aşkar edilib. Təcili tibbi yardım gələnə qədər polis əməkdaşı Əzizov dəm qazından zəhərlənən şəxslərə süni nəfəs verərək onları həyata qaytarmağa nail olub.
Nazim Əzizov – 33-cü PB-nin sahə inspektoru: "Pəncərədən içəri daxil oldum. Hiss etdik ki, içəridə qazdan boğulma var. Hamam su ilə dolu idi. İki gənc yerdə uzanıqlı vəziyyətdə idi. Dərhal həmin şəxsləri çölə çıxartdım. Pəncərələri açıb, onlara süni nəfəs verdim”.
Hər iki zərərçəkən 1 saylı Şəhər Kliniki Xəstəxanasının Toksikologiya Şöbəsinə yerləşdirilib. Artıq onların həyatına heç bir təhlükə yoxdur. Onlar özlərini normal hiss edirlər.
Toğrul Hidayətzadə - Zərərçəkən: "Noyabr ayının 25-də ailə qurmuşuq. Yoldaşım ayın birindən ikisinə keçən gecə duş qəbul edib çıxandan sonra bildirdi ki, ürəyi bulanır, qaytardı. Gördüm vəziyyəti yaxşı deyil, getdim yanına ki, onu çıxarım. Elə bu zaman mənim ürəyim getdi. Nazim və Pünhan müəllim sağ olsunlar köməklik göstədilər. Onların timsalında bütün Azərbaycan polisinə minnətdarlığımı bildirirəm”.
Rəfael Hidayətzadə - Zərərçəkənin atası: "Ömrüm boyu onlara minnətdaram. DİN-nə belə qəhrəman, cəsartəli, igid polis əməkdaşlar yetişdirdikləri üçün təşəkkür edirəm”.
Hadisə
- Dönərdən daha bir kütləvi zəhərlənmə - 18 nəfər xəstəxanalıq oldu
- Azərbaycanda daha bir zəlzələ oldu
- Elnur Rufullayev vəfat etdi – FOTO
- Toya gedən müğənni və prodüseri Hacıqabulda qəzaya düşüb
- 15 yaşlı qızı öldürən Kənan intihar edibmiş - Sevinc qətlə yetirilərkən hamilə olub
- Faciəvi şəkildə ölən İlahə tanınmış sənətçinin qızı imiş
Sizin üçün seçdik
İndi oxunanlar
Həftənin hitləri
- Prezidentin nəvələri Mesut Özillə görüşdü 1141 dəfə oxunub
- Kənan Qurbanovun atası onun dənizdə batmağına inanmır - "Bilmirəm, kimə qoşulub" 1137 dəfə oxunub
- Toya gedən müğənni və prodüseri Hacıqabulda qəzaya düşüb 1103 dəfə oxunub
- “Nar” nitq və eşitmə məhdudiyyətli şəxslər üçün peşə təlimlərinə dəstəyini davam etdirir - FOTOLAR 1004 dəfə oxunub
- Çağırışdan yayınanlar əsgər göndərilir - Adlar təqdim edildi 986 dəfə oxunub