Ötən gün axşam saatlarından əsməyə başlayan güclü külək Bakıda bir sıra fəsadlar törədib.
Azərbaycan Avtomobil Yolları Dövlət Agentliyində Mynews.az-a verilən məlumata görə, külək Bakı Dairəvi-1 avtomobil yolunda, Yeni Yasamal yaşayış massivinə gedən yolun kəsişməsində yerləşən 10 metr hündürlüyə malik T tipli məlumatverici lövhəni aşırıb.
İnsident nəticəsində Yeni Yasamal yaşayış massivinə gedən yolda, həmçinin Bakı Dairəvi-1 avtomobil yolunda avtonəqliyyat vasitələrinin hərəkətində maneə yaranıb.
Agentliyin əməkdaşları aşan lövhəni ərazidən kənarlaşdırıblar.
