Bakının Yasamal rayonunda piyada ölümü ilə nəticələnən yol qəzası baş verib.
Mynews.az xəbər verir ki, hadisə Yasamal rayonu, İnşaatçılar prospekti, 553-cü məhəllə, 2 D ünvanında qeydə alınıb.
Belə ki, ”Ata Bank”ın qarşısında sürücü Zaur Adil oğlu Kazımov etibarnamə əsasında idarə etdiyi “Opel Vectra” markalı 99 NS 267 dövlət qeydiyyat nişanlı avtomobili arxa-arxaya idarə edərkən şəxsiyyəti məlum olmayan 40-45 yaşlı qadını vurub.
Piyada 1 saylı Kliniki Tibbi Mərkəzə yerləşdirilsə də, aldığı xəsarətdən həmin xəstəxanada ölüb.
