Binəqədidəki atışma “Emin 444”ün qısasıdır?

Hadisə

10:14 08.06.2019

Xəbər veridiyimiz kimi bu gün axşam saat 19:00 radələrində Binqədi rayonunda qətl hadisəs biş verib.

Kriminal avtoritet Mübariz Budaqlı Rəsulzadə qəsəbəsində avtomobildə güllələnib. 

Mynews.az xəbər verir ki, BAKU.WS-in əldə etdiyi məlumata görə, hadisə kriminal dairələr  arasındakı münaqişədən qaynaqlanır. Hətta baş verən hadisənin "Emin 444” və ya "Emin Massalinksi” ləqəbləri ilə tanınan kriminal avtoritet Emin Səfərovun qətli ilə əlaqəli olduğu da ehtimal edilir. Versiyalardan biri budur ki, kriminal dairələr "Emin-444"-ün qisasını alıblar. 

Xatırladaq ki, mayın 9-dan 10-na keçən gecə Binəqədi rayonunda, 6-cı mikrorayonun İsrafil Həşimov küçəsində əvvəllər məhkumluğu olan Səfərov Emin Ehtiram oğlu qətlə yetirilib. Bir neçə nəfər arasında düşən davanın gedişatında E.Səfərov 40-a yaxın bıçaq zərbəsi alaraq hadisə yerində keçinmişdi.

Qeyd edək ki, 2017-ci ildə 1976-cı il təvəllüdlü Mübariz Budaqlı adlı şəxs İnterpol xətti ilə axtarışa verilib. Hazırda ölən şəxsin  sözügedən Mübariz Budaqlı olub olmaması barədə araşdırma aprılır.