Xalq artisti Səməd Səmədov vəfat edib.
Mynews.az-ın məlumata görə, xalq artisti bu gün vəfat edib.
Bu haqda stilist Samir Əliyev məlumat verib.
Müğənninin duet ortağı Sevda Əliqızı Mynews.az-a açıqlamasında deyib: "Mənə də indi dedilər. Heç nə bilmirəm".
Yaxınlarının verdiyi məlumata görə, 74 yaşlı ifaçı müalicə aldığı xəstəxanada koronavirusdan dünyasını dəyişib.
Qeyd edək ki, Səməd Səmədov 1946-cı il sentyabrın 17-də Aşqabadda anadan olub. 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçüb.
