Zaur Baxşəliyev efirdə danladığı operatorun könlünü aldı

18:18 14.01.2023

Hadisə

Aparıcı Zaur Baxşəliyev efirdə danladığı operatordan danışıb.

Mynews.az xəbər verir ki, o, aparıcısı olduğu "Bizimləsən" proqramında sözügedən şəxsə yaxınlaşaraq onu studiyadakı tamaşaçılara və ekspertlərə təqdim edib. Zaur ondan ATV kanalında neçə il işlədiyini soruşub. Operatorun 12 ildir Zaurla birgə işlədiyi məlum olub:

"Dünən arxadan göstərmisiz, heç kim üzünü görməyib, bütün sosial şəbəkə platformalarında paylaşılıb. Adam deyir, üzümü göstərərdiz, populyarlaşardım. Gəlirəm, yanına səni məşhurlaşdırmağa... Bu mənim Fəridim, ürəyimdir. Hər yerdə mənimlə fotosu çıxan Fəriddir".

Daha sonra aparıcı Fəriddən həmin rəftarına görə pis olub-olmadığını soruşub. O isə normal formada işinə davam etdiyini deyib.

Məlumat üçün bildirək ki, Zaur efirdə əsəbiləşərək operatora sərt münasibət göstərib. Onun bu görüntüləri sosial şəbəkələrdə yayılaraq tənqid olunub.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az