Rusiyanın Lyubertsı şəhərində yaşayan Tacikistan vətəndaşı olan kişi beş aylıq qızını ağladığı üçün döyərək öldürüb. Mynews.az saytı bu barədə məlumatı Moskva vilayəti üzrə İstintaq Komitəsindən əldə edib.
İstintaqın məlumatına görə, noyabrın 19-da 28 yaşlı kişi qızının başına çoxsaylı zərbələr vurub və nəticədə həyatla bir araya sığmayan bədən xəsarətləri alıb. Kişinin aqressiv davranışına səbəb uşağın uzun müddət ağlaması olub. Yaxın vaxtlarda onun barəsində ittiham irəli sürüləcək və istintaqın tələbi ilə barəsində həbs-qətimkan tədbiri seçiləcək.
Daha əvvəl xəbər verilmişdi ki, Moskva avtosalonlarından birinin direktoru ailə fotolarını korladığı üçün doqquz yaşlı oğlunun qolunu sındırıb. Həkimlər xəsarətlər barədə polisə məlumat veriblər.
