USD 1.70
EUR 1,8441
RUB 0.0175
BREND 78.91
Bakı
7°

Türkiyədə xizək kurortunda yanğın: ÖLƏNLƏR VAR

Hadisə
13:29 21.01.2025
Türkiyədə xizək kurortunda yanğın: ÖLƏNLƏR VAR

Hadisə

13:29 21.01.2025

Türkiyənin Bolu bölgəsində yerləşən Kartalkaya dağ-xizək kurortunda yerləşən otellərdən birində yanğın baş verib. Ən azı 10 nəfər ölüb, onlardan ikisi hündürlükdən yıxılma nəticəsində, 32 nəfər isə yaralanıb. Mynews.az bu barədə NTV telekanalına istinadən məlumat yayıb.

Bolu vilayətinin valisi Əbdüləliz Aydın ölən və yaralananların Türkiyə vətəndaşları olduğunu bildirib. Yanğın saat 03:30 radələrində 11 mərtəbəli otelin 4-cü mərtəbəsində baş verib. Yanğın restoranın yerləşdiyi mərtəbədən başlayıb. Yanğın zamanı oteldə 234 qonaq olub. Səlahiyyətlilər araşdırmaya başlayıb. Koroğlu dağlarının zirvəsində yerləşən Kartalkaya xizək kurortu məşhur qış tətili məkanıdır. Bolu şəhərindən təxminən 40 kilometr, İstanbuldan isə 270 kilometr məsafədə yerləşir.

Yada salaq ki, Serbiyada, Belqradın kənarında qocalar evində yanğın baş verib, 8 nəfər ölüb, daha 7 nəfər yaralanıb.


Hadisə

Xəbər lenti