Rusiyanın Marseldəki baş konsulluğuna hücum Fransada anti-Rusiya isteriyasının qızışdırılmasının nəticəsi idi.
Mynews.az xəbər verir ki, bu açıqlamanı Rusiya Xarici İşlər Nazirliyinin rəsmi nümayəndəsi Mariya Zaxarova verib.
Diplomatın şərhi Rusiya Xarici İşlər Nazirliyinin saytında dərc olunub.
“Bir daha təkrar edirik ki, belə şəraitdə Rusiyanın Fransadakı xarici qurumlarının təhlükəsizliyinin təmin edilməsi məsələləri 1961 və 1963-cü illərdə Diplomatik və Konsulluq Münasibətləri haqqında Vyana Konvensiyalarına ciddi uyğun olaraq yerli hakimiyyət orqanlarının diqqət mərkəzində olmalıdır”, - nəşr yazır.
Bundan əvvəl, Moskva vaxtı ilə təxminən səhər saat 10-da Marselin 8-ci dairəsində, Ambroise Pare prospektində yerləşən Rusiya nümayəndəliyinin yaxınlığında partlayış baş verib. Ölənlər arasında ruslar yoxdur. Hadisə yerinə 30-a yaxın yanğınsöndürən gəlib. Hadisənin hansı şəraitdə baş verdiyi araşdırılır.
Xarici İşlər Nazirliyinin rəsmi nümayəndəsi bəyan edib ki, Moskva Fransadan Rusiya diplomatik missiyasının ərazisində baş verən partlayışların araşdırılması üçün hərtərəfli tədbirlər görməsini tələb edir. Zaxarovanın sözlərinə görə, Rusiya Baş Konsulluğunun ərazisində baş verənlər terror aktının bütün əlamətlərinə malikdir.
