Tanınmış reper Paşa vəfat etdi

Hadisə

10:43 05.04.2025

Rusiyanın məşhur reperi Paşa Texnik (Pavel Nikolayeviç İvleyev) vəfat edib.

Mynews.az bildirir ki, bu haqda musiqiçinin ailə üzvləri məlumat yayıb.

Ötən həftə reper ağır vəziyyətdə Tailandda reanimasiyaya yerləşdirilib.

Həkimlər musiqiçiyə aspirasiya pnevmoniyası sepsis diaqnozu qoyublar. 

Təsdiqlənməmiş məlumatlara görə, ehtimal ki, bu hal onda qadağan olunmuş maddələrlə şiddətli zəhərlənmə nəticəsində yaranıb.

Yaxınlarının sözlərinə görə, Paşanın ağciyərləri demək olar ki, tamamilə zədələnib, o, süni nəfəs aparatında və "ECMO" da olub. 

Bu gün günortadan sonra məlum olub ki, reper klinik ölüm keçirib, lakin həkimlər onu həyata qaytara biliblər.

Axşam onun vəziyyəti daha da kəskinləşib və Paşa ölüb. Onun 40 yaşı var idi. 

Qeyd edək ki, Paşa Texnik, Rusiya hip-hopunun ən görkəmli reperlərindən biri hesab olunur. 2000-ci illərin əvvəllərində "Künteynir" qrupunun rəhbəri olub, sonra solo çıxış edib. Paşa işindən əlavə, təxribat xarakterli davranışları, qanun pozuntuları ilə tanınıb.  (olay)