USD 1.70
EUR 1,8441
RUB 0.0175
BREND 78.91
Bakı
7°

Mələyin görüntüsünü paylaşıb pul toplayan şəxs tutuldu - Foto

Hadisə
11:23 23.09.2025
Mələyin görüntüsünü paylaşıb pul toplayan şəxs tutuldu - Foto

Hadisə

11:23 23.09.2025

Bakının Xəzər rayon sakini Mirvari Turabovanın övladının görüntülərini ondan xəbərsiz paylaşaraq ianə toplayan şəxs tutulub.

DİN-in Mətbuat xidmətinin əməkdaşı polis leytenantı Elbrus İbrahimov "Qafqazinfo”ya bildirib ki, vətəndaşın azyaşlı övladının xəstəlik vəziyyətindən sui-istifadə edilərək sosial şəbəkələrdə fotosunun paylaşılması və bu yolla pul toplanılması ilə bağlı daxil olmuş müraciət üzrə polis tərəfindən araşdırma aparılıb.

Araşdırmalar nəticəsində əməli törətməkdə şübhəli bilinən 23 yaşlı Feyruz Qəhrəmanov polis əməkdaşları tərəfindən saxlanılıb. Onun yaratdığı sosial şəbəkə səhifəsində yerləşdirdiyi bank hesabına müxtəlif şəxslər tərəfindən 10 000 manata yaxın ianənin toplandığı müəyyən edilib.

Faktla bağlı Xəzər Rayon Polis İdarəsində araşdırmalar davam etdirilir.

Qeyd edək ki, M.Turabovanın şikayəti ötən gün saytımızda işıqlandırılmışdı.

 


Hadisə

Xəbər lenti