Azərbaycanda qidadan zəhərlənənlərin sayı açıqlandı

16:32 26.09.2017

Sağlamlıq

Bu ilin avqust ayı ərzində əhali arasında 29 qida zəhərlənməsi hadisəsi baş verib.

Mynews.az-ın məlumatına görə, Səhiyyə Nazirliyinin Respublika Gigiyena və Epidemiologiya Mərkəzindən APA-nın sorğusuna cavab olaraq bildirilib ki, hadisə nəticəsində 40 nəfər zərərçəkən olub. Ötən ay botulizm hadisəsi baş verməyib. Qida zəhərlənməsi hadisələrinin hamısı məişət şəraitində baş verib.

Ümumilikdə isə bu ilin 8 ayı ərzində (yanvar-avqust) 255 qida zəhərlənməsi baş verib ki, nəticədə 388 nəfər zərər çəkib. Həmin müddət ərzində 11 botulizm hadisəsi baş verib. Bunun nəticəsində isə 21 nəfər zəhərlənib, 3 nəfər dünyasını dəyişib. Botulizmdən baş verən ölüm halları bu ilin yanvar ayında Şəmkirdə, fevralda isə Goranboy və Abşeronda qeydə alınıb.

MƏNİM XƏBƏRLƏRİM

Sağlamlıq

Sizin üçün seçdik

İndi oxunanlar

Həftənin hitləri

Mynews.az