Almaların əzilməsi və sonra maya əlavə edilməsi ilə hazırlanan alma sirkəsi sağlamlığa faydaları ilə tanınır. Alma sirkəsi yaxşı probiyotik mənbəyidir və bağırsaq sağlamlığı üçün əla vasitədir.
Alma sirkəsi qan şəkərinin səviyyəsini tarazlamağa kömək edir. Kilo itkisini dəstəkləyir, xolesterolu aşağı salır və ürək sağlamlığını yaxşılaşdırır.
Bədəndəki zərərli bakteriyaları təmizləməyə kömək edir. Alma sirkəsi dəri sağlamlığı üçün də faydalıdır. Saçda kəpəyi azaldır. Bəs, acqarına alma sirkəli su içdikdə nə baş verir?
Mynews.az xəbər verir ki, alma sirkəsi normal həddə istifadə edildikdə sağlamlığa faydalı təsir göstərə bilər. Bununla belə, alma sirkəli suyun həddindən artıq dozası bəzi yan təsirlərə səbəb ola bilər.
Buna görə sirkəni gündəlik tövsiyə olunan miqdarda istehlak etmək və su ilə durulaşdırıb içmək vacibdir. Durulmamış sirkə təkrar istifadə edildikdə diş minasına zərər verə bilər. Bununla belə, yüksək turşuluğa malik olduğundan, durulmadan və çox miqdarda alma sirkəsi içmək yemək borusunu da qıcıqlandıra bilər.
Eyni zamanda, bəzi insanlarda bulantı və həzm pozğunluğuna da səbəb ola bilər. Buna görə də alma sirkəsini xüsusilə acqarına içmək məsləhət görülmür.
Qeyd edək ki, gündə 1-2 xörək qaşığı alma sirkəsi çəkiyə nəzarət, qan şəkəri və xolesterinin tənzimlənməsi və digər xəstəliklərin müalicəsi üçün tövsiyə oluna bilər.
