Xüsusi pəhriz azərbaycanlıya 70 kq arıqlamağa yardım edib

23:49 15.04.2017

Sağlamlıq

Piylənmədən əziyyət çəkən Azərbaycan sakini altı ay ərzində 70 kq çəki atıb.

Qoşqar Məmmədov plastik cərrahiyyə və yorucu fiziki yüklənmə olmadan bunu bacarıb.

43 yaşlı Azərbaycan vətəndaşı pəhrizə başlayarkən 170 kq çəkiyə malik olub və bu səbəbdən hətta evdən bayıra çıxmağa da utanıb. Üstəlik, artıq çəkidən depressiyaya düşməsi ona az qala intihar və boşanma ilə başa gəlib.

Həmyerlimizin sözlərinə görə, o, uşaqlıqda poliomieletdən əziyyət çəkib, gəzmək və nəfəs almaqla bağlı problemləri olub.

Dərman və fiziki yüklənmələrin köməyi ilə arıqlamaq cəhdləri uğursuz olduğundan Q.Məmmədov yerli dietoloq Leyla Zülfüqarovaya müraciət edib. Bundan iki ay sonra Qoşaqarın çəkisi 50 kq azalıb: ciddi pəhriz və gündəlik həkim qəbulunda olmaq nəticə verib.

"Gərək səhər bir stəkan su içib sonrakı 6 saat ərzində qida qəbulundan yayınasan. Sonra 1 dilim qara çörək və çəkisi 200 qr-dan artıq olmayan suda bişmiş kartof yeyəsən. Axşam isə bir stəkan qatıq içmək lazımdır. Belə ciddi pəhrizi bir ay ərzində saxlamaq lazımdır, əks təqdirdə, nəticə olmayacaq", -deyə dietoloq L.Zülfüqarova bildirib.

İndi Q.Məmmədov yenə də ciddi pəhrizə davam edir. Ona artıq bişmiş toyuq və yumurta yeməyə icazə verilib. İndi onun məqsədi 88 kq-dək arıqlamaqdır.

MƏNİM XƏBƏRLƏRİM

Sağlamlıq

Sizin üçün seçdik

İndi oxunanlar

Həftənin hitləri

Mynews.az