Azərbaycanlı gənc analoqu olmayan sosial şəbəkə yaratdı - FOTOLAR
Bu gün ADA Universitetində "Onbranch" adlı sosial şəbəkənin təqdimatı olub.
Layihə müəllifi Elçin Əsgərovdur. Bu, real ünsiyyətə sövq edən beynəlxalq miqyaslı sosial şəbəkədir. Tədbirdə çıxış edən layihənin strateji inkişaf üzrə konsultantı Emil Məcidov bunu yeni nəsil sosial şəbəkə adlandırıb.
Başlanğıc nöqtəsi istirahət, əyləncə və iaşə sektorları olmaqla, "Onbranch" növbəti mərhələlərdə ictimai xidmətlər və biznes mühiti üçün müxtəlif rahat və effektiv həllər təklif etməyi planlaşdırır. İstənilən sahədə fəaliyyətin əsas prinsipi detallı araşdırmanın aparılması ilə həm sıravi istifadəçilər, həm xidmət göstərənlər üçün rahat və faydalı məhsulların hazırlanmasıdır.
"Onbranch”a qoşulan məkanların özləri üçün ayrıca mobil tətbiq (application) sifariş etmələrinə, həmçinin onlayn sifariş sisteminə artıq xərc çəkməsinə heç bir zərurət qalmır. Müxtəlif kateqoriyalara aid olan məkanların sahibləri “Onbranch” vasitəsilə öz biznesini inkişaf etdirə və müştərilərinə yeni xidmət çeşidlərini təklif edə biləcəklər. İstənilən kafe, restoran, əyləncə mərkəzi, universitet, kitabxana və ya hər hansı digər məkanın səhifəsi qeydiyyatdan keçməklə vahid virtual sistemin tərkib hissəsi olacaq. Bu sistemə təkcə qapalı məkanları deyil, həmçinin açıq havada olan əraziləri də eyni qaydada qoşmaq mümkündür.
“Onbranch” istənilən məkan üçün onun həqiqi interyerini və eksteryerini əks etdirən xüsusi üçölçülü qrafik xəritənin yığılmasını da təmin edir.
"Qaynar"a açıqlama verən layihə müəllifi bu proqramın hazırlanmasına 2015-ci ilin noyabr ayından başladıqlarını bildirib:
"Hələlik sosial şəbəkədə əsasən ictimai məkanların profilləri var, lakin gələcəkdə mülki obyektlərin də daxil edilməsi prosesi gedəcək. Dünyada bu layihənin analoqu yoxdur. Sosial şəbəkənin təqdimatı iyul ayına kimi Bakıda, daha sonra isə Londonda və dünyanın digər şəhərlərində aparılacaq".
Məxfi obyektlərin qeydiyyatının qarşısı necə alınacaq?
"Bunun özəlliyi odur ki, istənilən şəxs məkan daxil edə bilməz. Bunun üçün sayta sorğu göndərilir və biz baxıb yoxladıqdan, dəyərləndirdikdən sonra həmin məkanın virtual görüntüsünü yerləşdiririk. Əgər məkanı daxil etmək istəyən şəxs qeyri-rəsmi biridirsə, biz onun təklifini rədd edirik. Gələcəkdə xarici ölkələrdəki belə məkanların yerləşdirilməsi üçün asistentlərin sayını artırmaq fikrindəyik".
Maraqlı
- "Qalatasaray" azarkeşlərindən Vanda Naraya sərt reaksiya - "Biz Mauroya layiqli birini tapacağıq"
- İbrahim Tatlısəs toyunda qızına görün nə hədiyyə etdi
- Bu tərəvəzdə koronavirusa qarşı maddə tapıldı - Virusun yayılmasının qarşısını alır
- Hansı qan qrupundan olanla evlənsəniz oğlunuz və ya qızınız olar? - MÜTƏXƏSSİS RƏYİ
- Autizmin əsas əlamətləri hansılardır? - AÇIQLAMA
- Cənubi Azərbaycanlıların Vətən sevgisi - VİDEO
Sizin üçün seçdik
İndi oxunanlar
Həftənin hitləri
- Bakıda ikinci kurs tələbəsi vəfat etdi 3639 dəfə oxunub
- Bakıda ikinci kurs tələbəsi vəfat etdi 3639 dəfə oxunub
- Metroda qatarda problem yarandı - Sərnişinlər düşürüldü 1695 dəfə oxunub
- Sabah Cəbrayıla ilk köç olacaq 1048 dəfə oxunub
- Bu müəllimlər 1000 manat CƏRİMƏLƏNƏCƏK 1046 dəfə oxunub