“Apple” brendinin idman ayaqqabıları “eBay” internet hərracında satışa başlayacaq.
Mynews.az Lent.az-a istinadən xəbər verir ki, yalnız şirkətin əməkdaşları üçün nəzərdə tutulan və müəyyən limitdə olan ayaqqabı seriyasının satışının başlanğıc qiyməti 15 000 dollar təşkil edir.
Lot sahibi öz orijinal idman ayaqqabılarını ən azı 24 000 dollara satmaq niyyətindədir. Qeyri-adi lot iyunun 6-da elektron hərrac saytında yerləşdirilib. Təklif olunan ayaqqabı “Apple” şirkətinin loqotipi ilə tikilmiş eksklüziv bir cüt ağ ayaqqabıdan ibarətdir.
Qeyd edək ki, idman ayaqqabıarı ideal şəraitdədir. Bu seriya 90-cı illərdə istehsal edilib və heç vaxt hərraclarda satışa çıxarılmayıb. Satışlar iyunun 11-də, səhər saat 9.00-da başlayacaq. Satıcının bu köhnə ayaqqabını haradan aldığı barədə məlumat verilmir.
