Ölü morqda dirildi - İllərlə məzarlıqda yaşadıqlarını anlatdı

16:40 12.06.2017

Maraqlı

İstanbul Böyükşəhər Bələdiyyəsi qəbiristanlıqlar İdarəsində təqaüdçü olan Aliseydi Turan maraqlı xatirələrini kitaba köçürüb. Turan bir meyitin morqda dirildiyi haqda da kitabında məlumat verib.

Mynews.az Milli.Az-a istinadən xəbər verir ki, Turan zəhərləndiyi üçün öldüyü zənn edilən və morqa qoyulan bir şəxsin cənazəsi ilə bağlı xatirəsini paylaşıb:

"Morqa yaxınlaşıb cənazəni morqun qapısından yaxınları ilə çıxardıq. Tabutu açdıq və meyit birdən tərpənməyə başladı. Həmin dəqiqə çağırdığımız təcili yardım həkimləri ona müdaxilə etdi. Həkimlərin dediyinə görə adamın yaxınları onu zəhərlədikdən sonra, saxta həkim hesabatı ilə ölmüş kimi qeyd ediblər. Morqda soyuğa məruz qalan bədən bir neçə saat sonra zəhərin təsirindən xilas olub. Sonradan vəkillərin işə qarışması ilə həqiqət ortaya çıxdı".

Çalışdığı müddətdə vətəndaşlardan gələn qəribə tələbləri, maraqlı miras lətifələrini və qarşılaşdığı maraqlı hadisələri "Cənazəmi var?" adlı kitabda toplayan Turan qəbiristanlıqlarda 10 il ərzində müxtəlif inzibati vəzifələri yerinə yetirdiyini dilə gətirərək, bu müddətdə yüzlərlə hadisəyə və hekayəyə şahid olduğunu bildirib:

"6 aydır təqaüdə çıxsam da, kitab üzərində iki ildir çalışıram. Yaşadığım həmin xatirələri kitab halına salmaq düz iki ilimi aldı".

MƏNİM XƏBƏRLƏRİM

Maraqlı

Sizin üçün seçdik

İndi oxunanlar

Həftənin hitləri

Mynews.az