Əgər qadının uşağı dünyaya gətirməsi onun sağlamlığı üçün ciddi təhlükə yaradarsa, abort etməyə icazə verilir. Digər bütün hallarda isə abort etmək böyük günahdır.
Mynews.az zikr.az-a istinadən bildirir ki, böyük günah edən səmimi qəlbdən peşman olmalı və Allaha bağışlanmaq üçün dua etməlidir. Allahın rəhmətindən ümidini üzməməli, bununla yanaşı günahlardan çəkinməli və çoxlu xeyirli əməllər etməlidir - namaz və digər ibadətləri çoxaltmaq, valideynlərə yaxşılıq etmək, sədəqə vermək və s. Uca Allah buyurur: "O kəslər ki, bir pis iş gördükdə, yaxud özlərinə zülm etdikdə Allahı xatırlayıb günahlarının bağışlanmasını diləyərlər, - günahları Allahdan başqa kim bağışlaya bilər? - onlar bilə-bilə etdiklərinə görə israr etməzlər". (Ali İmran, 135).
