İsraildə aparılmış bir araşdırma zamanı qadının göz yaşındakı bir kimyəvi maddənin kişilərdəki testosteron hormonunun səviyyəsini aşağı saldığı müəyyənləşdirilib.
"Viezmann" elmi institutu və "Wolfson" xəstəxanası tərəfindən qadının göz yaşlarının xeyirli tərəflərinin üzə çıxarılması ilə bağlı aparılan araşdırmalardan sonra məhz bu aktın kişilərə çox müsbət təsir göstərə biləcəyi qənaətinə gəlinib.
Professor Noam Sobelin bildirib ki, bəzi xəstəliklər, o cümlədən prostat xərçəngi məhz kişilərin bədənindəki testosteronun səviyyəsini aşağı salınmaqla müalicə olunur. Lakin bu proses heç də həmişə mümkün olmur. Buna baxmayaraq, son araşdırmalar zamanı qadının göz yaşları vasitəsilə bu işin mümkünlüyünün ortaya çıxması sözügedən sahədəki çatışmazlığı aradan qaldıracaqdır.
