Bələdiyyə sədri timsahla evləndi - VİDEO

Meksikanın San Pedro Huamelula bölgəsinin bələdiyyə sədri Viktor Aqulyer timsahla evlənib.

Mynews.az modern.az-a istinadən xəbər verir ki, sədr bu addımı balıqçılara uğur gətirməsi üçün atıb.

"Gəlin" böyük mərasim zalında təşkil edilən toya ağzı bağlı gətirilib. Dişi timsah balasına gəlinlik geyindirilib.

Dişi timsahla evlənən bələdiyyə sədri öz çıxışında "Bu dəniz sezonu üçün yaxşı məhsul tələb edirik" açıqlamasını verib.

Bölgədə qədimdən sınanılmış ənənəyə görə, hər il bələdiyyə sədrinin timsahla ailə qurması tələb edilir.