Türkiyədə maraqlı olay yaşanıb
Ölkə.Az Anadolu Ajansı-na istinadən xəbər verir ki, Türkiyənin Siirt vilayətində yaşayan Həsən Gezerə ad günü sürprizi edib.
Belə ki, 1892-ci ildə anadan olan Həsən 126 ildə heç vaxt ad günü keçirməyib. Bunun üçün də Ailə və sosial məsələlər komitəsi ona ilk dəfə ad günü keçirtmək qərarına gəliblər. Baş tutan ad günü sürprizində ona müxtəlif hədiyyələr alınıb.
10 uşağı və 60 nəvəsi olan Həsən Gezer uzunömürlü olmasının sirrini belə açıqlayıb: "Çox az xəstələnirəm. Yaylaqda ancaq süd, qatıq və çörək yeyirəm".
