And içərkən Qurana əl basmağın dini baxımdan heç bir əsası yoxdur, xalq arasında yayılmış bir ənənədir. İnsanlar sanki bu yolla öz andlarına Quranı şahid tuturlar. Öz-özlüyündə bunu etmək günah da deyil.
Mynews.az islam.az-a istinadən bildirir ki, amma diqqət etmək lazımdır ki, Qurana hörmətsizlik olmasın. Bəzən insanlar dəstəmaz ya qüsl almadan Qurani-kərimi açıb, ovuclarını yazının üzərinə qoyur və and içirlər. Bu yolla Qurana ehtiram göstərdiklərini düşünürlər. Lakin unudurlar ki, əksinə, pak olmayan şəxsin Quran yazısına toxunması günahdır.
