Kim təbiəti sevmir ki?! Yaşıl ağacları, rəngarəng çiçəkləri və inci dənəli bulaqları... Amma bəziləri bu sevgini bir az qabardırlar. Hazırda dünyada təbiət eşqi yeni dəbə çevrilib. Təbiətlə sekslə məşğul olmaq istəyini oyandıracaq qədər...
Son vaxtlar dünyada əks-səda verməyə başlamış bir axın var - ekoseksualizm (Ecosexuality). Kimdir bu ekoseksuallar? Təbiətdə cinsi əlaqəyə girənlərdirmi? Xeyr.
Mynews.az lent.az-a istinadən bu yeni axın barədə heyrətamiz məqamları diqqətinizə çatdırır.
Ekoseksual - təbiəti cazibədar və seksual görən insana deyilir.
Əvvəllər bir sənət performansı olaraq başlayan axın hazırda Avstraliyada Melburndakı Kral Botanika Bağçasında bir məkana belə sahibdir. Bu məkana gedib doyana qədər təbiətlə bütünləşmək mümkündür. Təbii ki, sadəcə təbiətlə cinsi hisslər yaşamaq deyil, onu qorumaq da lazımdır.
Yer kürəsində qlobal istiləşmədən sonra ortaya çıxmış bu axın əslində təbiəti təməl görən, onu qoruyan, kirlətməyən bir baxışa sahibdir. Qənaətcil olmaq, tullantıları uyğunsuz yerlərə atmamaq, təbiətə zərər verən maddələrdən hazırlanan əşyalardan istifadə etməmək... - hamısı bu işə daxildir.
Ağac qucaqlayan, çiçəklərə barmaqlarıyla toxunan, otlara cinsi orqanlarını sürtən birini görsəniz, ekoseksual olduğunu anlaya biləcəksiniz.
Təbiəti qoruyan hər kəs ekoseksual deyil. Amma hər ekoseksual təbiətə yaxşı davranmaq məcburiyyətindədir. Çünki işin fəlsəfəsi bunu vacib edir.
Dünyada ən az 100 min ekoseksual olduğu təxmin edilir. Ekoseksuallar arasında mühəndis də, həkim də, idmançı da var...
"Təbiətə aşiqəm", - deyərkən yalan söyləmirlər. Ağac gövdələri şəhvət dolu bir parça, ya da dənizdə üzmək bir cinsi birləşmədir onlar üçün.
"Təbiət bizi ehtiraslandırır". Bunu bir ekoseksualın dilindən eşitmək olduqca təbiidir. Çünki onlar bir çəmənlikdən və ya yumşaq bir torpaqdan da ehtiraslanırlar.
