Bakının mərkəzində yerləşən kafelərdən birində ofisiantların geyimi diqqət çəkir.
Mynews.az bildirir ki, burada işçilərin geyindiyi köynəklərin arxasında heşteq işarəsi ilə işğal olunmuş rayonlarımızın adları yazılıb. Özü də bu adlar ingilis dilində verilib: #zangilanisazerbaijan, #shushaisazerbaijan...
İşçilərdən bunu nə üçün etdiklərini soruşanda isə onlar turistlər üçün belə addım atdıqlarını bildirdilər.
Kafenin inzibatçısı Kamran Mehdiyev deyir ki, məqsədləri ermənilər tərəfindən işğal olunan rayonlarımızı əcnəbilərə tanıtmaq, onların əslində Azərbaycanın bir hissəsi olduğunu bildirməkdir.
Müştərilərinin əksəriyyəti xarici turistlər olan bu restoranda ofisiantların öz təşəbbüsü ilə belə addım atmasını görən hər hər kəs təqdirlə qarşılayır. /xezerxeber.az
