2017-ci ilin iddialı komediya filmlərindən olan “Yanlış anlama”nın nümayiş tarixi bəlli olub.
Mynews.az Türkiyə mediasına istinadən xəbər verir ki, Türkiyə və Azərbaycan aktyorlarının birgə çəkildiyi ekran işi oktyabrın 27-də nümayiş olunacaq. “Yanlış anlama” həm Türkiyə, həm də Azərbaycan kinoteatrlarında eyni vaxtda göstəriləcək.
Komediyanın türk aktyor heyətinə Şevket Çoruh, İlker Ayrık, Hakan Bilgin, Bahadır Efe, Duyğu Karaca, Pelin Sönmez, azərbaycanlı heyətinə isə Pərvin Abıyeva, İslam Mehrəliyev, Fərda Xudaverdiyev daxildir.
“DADA” prodakşn tərəfindən çəkilən filmin rejissoru Ulaş Cihan Şimşək, ssenari müəllifi isə Ayberk Çınardır.
