Aktrisa Merve Sevi may ayında nişanlandığı məşqçi Çalkan Algünlə ötən axşam nikah masasına oturub. Cütlük Eda İnci, Gülfem Yar, Alican Kelpetin və Taylan Ertaşın şahidliyində xoşbəxtliyə "Bəli" deyiblər.
Milli.Az Sabah-a istinadənxəbər verir ki, Merve Sevi-Çalkan Algünün toyunda bir-birindən əyləncəli anlar yaşanarkən xoşagəlməz olay baş verib. Toyu çəkən fotoqrafın istifadə etdiyi dron ağaclara çırpılaraq yerə düşüb. Hadisə zamanı yaralanan olmasa da toydakı qonaqlar qorxu dolu anlar yaşayıblar.
Aktrisanın toyuna Yeliz Şar-Tolga Güleç, Aslıhan Güner-Mert Kılıç, Tümay Özokur-Şahin Tuhan, Tules-Mehmet Evren, İrfan Kang və Dost Elver kimi məşhur adlar qatılıblar.
Nikah zamanı bəy Çalkan Algünün "Bəli" dediyi zaman, aktrisa Dost Elverin "Algün səndən uşağım var" deyə qışqırması bütün qonaqları güldürüb.
