Siyəzən sakini yaxınına qeyri-adi baş daşı düzəltdirdi - VİDEO

11:07 11.09.2017

Maraqlı

Qəbirlərin üzərinin düzəldilməsi zamanı dəbdəbəyə və israfa yol verilməsi ilə bağlı dəfələrlə xəbərlər təqdim etmişik. Ancaq bu dəfə bir Siyəzən sakininin öz yaxınına başdaşı qoydurarkən atdığı nümunəvi addıma diqqət çəkəcəyik. Bu rayonda bir nəfər vəfat edən yaxınının başdaşında şəkil qoydurmayıb və yalnız ölənin kimliyi ilə bağlı məlumatları qeyd etdirib. Qəbirüstü abidəni də olduqca sadə düzəltdirib. İlahiyyatçılar belə başdaşının islami qaydalara daha uyğun olduğunu deyirlər.

Mynews.az-ın Xəzər TV-yə istinadən verdiyi məlumata görə, başdaşının üzərində şəkil yoxdur və yalnız vəfat edən adamla bağlı məlumatlar yazılıb. Bir də ziyarətçilərdən "Fatihə" surəsinin oxunması istənir.

İnsanların bir çoxu qəbir daşlarının hazırlanmasında həddən artıq dəbdəbəyə və israfa yol verilməsinə qarşıdırlar.

İlahiyyatçı Ağa Hacıbəyli deyir ki, başdaşında yalnız vəfat edən adamın məlumatlarının qeyd olunması islami qaydalara daha çox uyğundur.

Onun sözlərinə görə, insanlar məzarı dəbdəbəli etməkdənsə, həmin vəsaiti ehtiyacı olanlara versələr, daha faydalı iş görmüş olarlar.

Şəkilli başdaşlarının qoyulmasının geniş yayıldığı bir vaxtda Siyəzən sakininin bu addımını, əslində, cəsarətli təşəbbüs də adlandırmaq olar. Bu təşəbbüs geniş kütlələr tərəfindən də mənimsənilsə, qəbiristanlarda israfın azalmasına nail olmaq mümkün olar.

MƏNİM XƏBƏRLƏRİM

Maraqlı

Sizin üçün seçdik

İndi oxunanlar

Həftənin hitləri

Mynews.az