Tanış olun 3 yaşlı qız divarlara dırmaşır

Maraqlı

19:46 06.10.2017

3 yaşlı bu qız 20 metr hündürlüyündə divara, sadəcə, 4 dəqiqəyə dırmaşır.

Balaca Bella kanatdan, kəndirdən istifadə etmədən divarları "fəth etməyi" sevir.

Milli.Az Daily Mail-ə istinadən bildirir ki, Avstraliyanın Adlelaida şəhərində yaşayan Bellanın valideynlərinin ikisi də alpinist və qayayadırmaşanlardır.

Bellanın anası Endi Torrealba Meribanın dediyinə görə, qızı yeriməyə başlamazdan əvvəl divarlara dırmaşmağı öyrənib.

Bellanın atası Cankarlo isə alpinizm fanatıdır.

"Bellaya hamilə olanda da qayalara dırmaşırdım. Cankarlo övladımızın qayaları, dağları fəth edə biləcək insan olmasını istəyirdi. Deyəsən, belə də olacaq. Alpinizm eşqi qızımın qanında, DNT-dədir", - Endi söyləyib.

Endi Adealida şəhərindəki "Bouldering Club"da alpinizm və qayaya dırmaşma üzrə təlimatçıdır.

Cankarlonun sözlərinə görə, Bella 3 aylıq olanda divardakı çıxıntılardan tutub sallaşa bilirdi: "Onun altı ayı olanda isə bir əli ilə çıxıntıdan tutub sallaşır, sonra yuxarı qalxırdı".