Açıq-saçıq geyinən qadınlar daha çox yaşayırlar

Milli.Az xəbər portalının İngiltərə mətbuatına istinadən verdiyi məlumata görə, 5 min qadın arasında aparılmış tədqiqat göstərib ki, zərif cins nümayəndələri nə qədər açıq-saçıq paltarlar geyirlərsə, bu, onların daha uzunömürlü olmasına kömək edir. 

Məsələ ondadır ki, paltarlar yuyulduqdan sonra onların tərkibində yuyucu toz və digər vasitələr qalır. Bu, tərlə qarışaraq dəriyə hopur və sonda müxtəlif onkoloji xəstəliklərə səbəb olur. Beləliklə, açıq-saçıq geyimlər qadının dərisinin belə maddələrlə daha az təmasda olmasına imkan verir.

Daha bir məqam açıq-saçıq geyimdə olan qadınların kişilərin diqqətini daha çox cəlb etməsindədir. Belə xanımların ərə getmək şansı da artır. Elm isə ailəli insanların tənhalarla müqayisədə daha çox yaşadığını çoxdan sübut edib.