Bu oğlan 670 metrlik məsafəni neylon kəndir üzərində qət edir.
Fransız kəndirbaz Natan Polen sleklayn – iki obyekt arasında çəkilərək bağlanmış xüsusi neylon kəndir boyunca gəzinti üzrə dünya rekordunu təzələyib.
23 yaşlı idmançı Parisdə Eyfel qülləsindən Trokadero meydanına qədər 670 metrlik məsafəni neylon kəndir üzərində qət edib. Kəndir Sena çayı üzərindən 70 metr yüksəkdən çəkilib.
Şəhər şəraitində sleklayn boyunca gəzinti üzrə əvvəlki rekord da Natan Polenə məxsus idi, bu məsafə 651 metrə bərabər idi.
