İynənin də "ağıllı"sını hazırladılar FOTO

Maraqlı

17:04 17.12.2017

Cərrahiyə texnologiyalarında əməliyyatların sürətli, düzgün və xəstə üçün ağrısız keçməsi böyük əhəmiyyət kəsb edir.

Mynews.az A24.az-a istinadən bildirir ki, araşdırmaçılar ultrason görünüş əldə edən ağıllı cərrahi iynə hazırlayıb.

“University Collage London” və “Queen Mary University of London”un araşdırmaçı mütəxəssisləri yeni optik ultrason iynə hazırlamaq üçün işə başlayıb. Aparılan işlər nəticəsində əldə edilən iynə ürək toxumasının real zamanda izlənilməsinə imkan verir. Bu iynənin sayəsində əməliyyatlar həm daha sürətli, həm də daha dəqiq həyata keçiriləcək.

Sistem, xüsusi olaraq hazırlanmış cərrahi iynənin içinə miniatür fiber optikləri yerləşdirməklə işləyir. İynə ultrason zərbələr istehsal edən yüngül impulslar təmin edir. Bu impulslar yumşaq toxuma ilə əks olunur və həmin vaxtda ultrasəs görüntüsünü təmin edən ikinci fiber optik tərəfindən aşkar edilir.

Donuzlar üzərində sınaqdan keçirilən iynə 2,5 sm-ə qədər yüksək keyfiyyətli görüntüylə təmin edir. “Açar dəliyi” cərrahiyyəsində olduqca əhəmiyyətli inkişaf sayılan iynədəki texnologiyanın digər vasitələrə də tətbiq edilməsinə çalışılır.