Telepatiya vasitəsi ilə insanlar arasında ünsiyyət real ola bilər.
“A24.az”ın Türkiyə KİV-dən əldə etdiyi məlumata görə, amerikalı texnologiya üzrə sahibkar Bryan Consonun “Karnel” adlı şirkəti insan beyninə nəql edilə biləcək bir mikroçip üzərində işləyir.
Bu şəkildə yaradılacaq “beynin kompüter interfeysi” ilə insanlar arasında “telepatik” ünsiyyətin təmin edilməsi nəzərdə tutulur.
Ötən ay Lissabonda keçirilən “Web” Sammitində çıxış edən 40 yaşlı Conson “bu yeni texnologiya ilə insanlar yaddaşlarını inkişaf etdirə biləcək və beyinlər arasında ünsiyyət də mümkün olacaq” deyə qeyd edib.
Amerikalı sahibkar hesab edir ki, 15-20 il ərzində mikroçiplərin beynə yerləşdirilməsi yayıla bilər.
