"Bəzən yemək istəməyib atdığımız qida qalıqları və istifadə etmədiyimiz ədviyyatlar əslində vücudumuzu xərçəng xəstəliyinə qarşı qoruyur".
Mynews.az Media24.az-a istinadən xəbər verir ki, bu məlumatı, bitkilərlə müalicə araşdırmaları aparan Fototerapeya Mərkəzinin rəhbəri mütəxəssis Kartal açıqlayıb.
Həkimin sözlərinə görə əksər insanın istifadə etmədiyi zərdəçal (sarıkök) xərçəngə qarşı qalxan rolunu oynayır. Xəstəliyə səbəb olan hüceyrələri öldürür və inkişaf edərək çoxalmasının qarşısını alır. Həzm prosesi çətin gedən xəstələrin müalicəsində də müsbət effekt verir. Həmçinin şəkərli diabet xəstəlik riskini də azaldır.
Bunun üçün 1 çay qaşığı zərdəçalı kiçik bir qaba qoyun. Üzərinə 1 yemək qaşığı zeytun yağı damcılladın. Daha sonra yarım çay qaşığı qara bibər əlavə edib qarışdırın. 10 dəq ərzində istifadə etməyin.
Gündə bu qarışımdan 3 dəfə için. Salatların, yeməklərin üzərinə qatıqla birlikdə də əlavə edib yeyə bilərsiniz.
Sözügedən qoruyucu qidalardan biri də üzüm çəyirdəyidir. Tərkibində olan ginseng maddəsi ən güclü antioksidan olduğu üçün xərçəng əleyhinə olan qidalar sırasına aid edilir.
Üzüm çəyirdəyi müasir tibdə geniş istifadə edilir. İlk olaraq isə Yaponiya səhiyyəsində sınaqdan keçirilib. Vitamin E-dən 20 qat, C-dən isə 50 qat daha güclü təsirə malikdir. Xərçəngdən başqa digər xəstəliklərin də müalicəsində tətbiq edilir. Üzümün qabığında xolestrolu aşağı salmaq üçün tərkibində "resveratrol" adlanan maddə var. Astma xəstəliyi üçün isə üzüm çəyirdəyinin sapı əvəzsizdir.
