Bakıda "Opel" 623 km/saat sürətlə radara düşdü - FOTO

21:43 26.12.2017

Maraqlı

Bakıda "Opel Vectra" markalı avtomobil 623 km/saat sürətlə radara düşüb.

Bu barədə sürücüyə göndərilən MMX protokolunda qeyd olunub.

Məlumata görə, "Opel"in sürücüsü Bilgəh-Nardaran-Pirşağı yolunun 2.2 kilometrliyində radara düşüb.

Qeyd olunur ki, sürət həddi 110 km/saat olan yolda "Opel Vectra" markalı maşın 623 km/saatla hərəkət edib.

Məsələ ilə bağlı açıqlama verən Bakı şəhər Baş Polis İdarəsi Dövlət Yol Polisi İdarəsinin (BŞDYPİ) İctimai qurumlarla əlaqə bölməsinin rəisi, polis polkovniki Vaqif Əsədov sürücünü narahat olmamağa çağırdı.

O bildirib ki, sürücüyə göndərilən MMX protokolunda qeyd olunan sürət həddi texniki səhv nəticəsində qeydə alınıb.

"Başa düşülür ki, "Opel Vectra" 623 km/saatla hərəkət edə bilməz. Sadəcə texniki səhv olub. Sürücü narahat olmasın, buna görə cərimələnməyəcək. Mərkəzdə avtomobilin hansı sürətlə hərəkət etdiyi qeyd olunur", - deyə Vaqif Əsədov bildirdi.
Bakıda

MƏNİM XƏBƏRLƏRİM

Maraqlı

Sizin üçün seçdik

İndi oxunanlar

Həftənin hitləri

Mynews.az