Türkiyənin Antalya şəhərində naməlum şəxslər 2 ay öncə dünyasını dəyişən şəxsin meyitini məzarından çıxararaq baş daşından "bu iş bitmədi" sözləri yazılan lövhə asıblar.
Mynews.az teleqraf.com-a istinadən bildirir ki, 2018-ci ilin may ayında dünyasını dəyişən Bülent Suserə aid məzarın daşı kimliyi məlum olmayan şəxslər tərəfindən sökülüb. Məzarın üzərindən təhqiredici sözlər olan lövhə asılıb.
Dünyasını dəyişən Bülent Suserin yaxınları məzarı gördükdən sonra polisə şikayət ediblər. Polis fakt üzrə araşdırmalara başlayıb.
