Namibiyanın şimalında yaşayan bu qəbilələrin maraqlı adət-ənənələri var.
Publika.az xarici mətbuata istinadən xəbər verir ki, ölkənin şimalındakı ən ucqar yerdə məskunlaşmış Himba qəbiləsi və hererolar minilliklərdir öz adət-ənənələrini, yaşam tərzlərini dəyişməmələri ilə seçilirlər.
Dünyanın ən mühafizəkar etnik qruplarından olan Himba qəbiləsinin üzvləri onları görən turistləri yalnız bunlarla təəccübləndirmirlər. Məktəbə getməyən, heç vaxt çimməyən tayfa üzvləri dərilərini qəhvəyi heyvan yağı ilə rəngləyirlər.
Tayfanın qəribəlikləri bununla da yekunlaşmır. Burada qadınlar lüt gəzməyə məcburdurlar. Eyni zamanda ailələr öz uşaqlarına 2-3 yaşlarında həyat yoldaşı seçir, 15-16 yaşlarında isə evləndirirlər. Nəvələr, baba və nənələr, ata, ana, uşaqlar kiçik komalarda birlikdə yaşayırlar.
Evləndikdən sonra ərinin evinə köçən qızlar onlarla birlikdə yaşayırlar. Kişilər iki qadınla evlənə bilərlər.
