Bu gün Fransada prezident seçkilərinin ilk turu keçirilir.
Mynews.az qafqazinfo-ya istinadən xəbər verir ki, seçkinin ən diqqət çəkən namizədlərindən biri olan Emmanuel Makron tez-tez xanımı ilə də gündəmə gəlir.
Belə ki, o, həyat yoldaşından nə az, nə çox 24 yaş kiçikdir. Onların sevgi tarixi də xüsusi diqqət çəkir. Emmanuel 17 yaşında müəlliməsinə (hazırkı həyat yoldaşı) aşiq olub. Müəlliməsi Brigitte Trogneux isə həmin vaxt evli idi. Gənc namizəd illər keçsə də, sevgisi uğrunda mübarizəsini davam etdirib. Və o, evlənmək üçün müəlliməsinin boşanmasını gözləyib.
Nəhayət, 2007-ci ildə cütlük nikah bağlayır.
Brigitte Trogneux isə Makronun ona olan sevgisini bu sözlərlə ifadə edib: "Dedi ki, nə edirsən et, səninlə evlənəcəyəm".
Hazırda Fransada prezident postuna ən real namizədin 39, həyat yoldaşının isə 56 yaşı var.
