Meksikanın Tepettilan kəndindəki Santa-Ana kilsəsində qəribə hadisə baş verib.
Publika.az Rusiya mətbuatına istinadən bildirir ki, cümə günü ibadət qələbəliyi zamanı İsa Peyğəmbərin heykəlinin başı tərpənib. Çoxları bunu möcüzə kimi dəyərləndirib. İnanclı adamlar deyirlər ki, peyğəmbər sanki nəsə işarə etmək istəyib.
Qeyd edək ki, XIX əsrdə düzəldilmiş Məsihin heykəli yalnız cümə günlərində çıxarılır. Yerli keşiş Querra Lul isə insanları bu qədər fanatik olmamağa çağırıb: “Ola bilsin ki, heykəlin başını saxlayan iplər boşalıb. Amma istənilə halda xoş hadisədir. İnanclıların içini rahatladır”.
