USD 1.70
EUR 1,8441
RUB 0.0175
BREND 78.91
Bakı
7°

Fransa Azərbaycan və Ermənistan prezidentlərini dialoqa səslədi

Fransa Dağlıq Qarabağ münaqişəsinin nizamlanmasına dair mütəmadi danışıqların aparılmasının tərəfdarıdır.

Siyasət
14:51 13.07.2017
Fransa Azərbaycan və Ermənistan prezidentlərini dialoqa səslədi

Siyasət

14:51 13.07.2017

Mynews.az-ın APA-ya istinadən məlumatına görə, bu barədə Fransanın Ermənistandakı səfiri Jan-Fransua Şarpantye bildirib.

“Bizim yanaşmamız belədir: biz dövlət başçıları arasında birbaşa və mütəmadi dialoqun aparılmasının tərəfdarıyıq. Buna görə xarici işlər nazirləri arasında bu yaxınlarda keçirilən görüşü alqışlayırıq. Dəfələrlə söyləmişik ki, münaqişənin hərbi yolla həlli yoxdur. Münaqişə ancaq danışıqlar yolu ilə, mütəmadi dialoq vasitəsi ilə nizamlana bilər”, - deyə səfir qeyd edib.

Diplomatın sözlərinə görə, yalnız xarici işlər nazirləri arasında görüşlərlə kifayətlənmək lazım deyil, dövlət başçılarının görüşünün təşkil edilməsi zəruridir.

“Sonuncu görüş buna kömək edə bilər və növbəti görüşlərin baş tutması üçün fəal işləmək lazımdır”, - deyə səfir vurğulayıb.


Siyasət

Xəbər lenti