USD 1.70
EUR 1,8441
RUB 0.0175
BREND 78.91
Bakı
7°

Kvirikaşvili: “Gürcüstana ilk vacib kömək Azərbaycandan gəldi”

Siyasət
15:57 22.08.2017
Kvirikaşvili: “Gürcüstana ilk vacib kömək Azərbaycandan gəldi”

Siyasət

15:57 22.08.2017

Gürcüstanın baş naziri Giorgi Kvirikaşvili ölkə ərazisində davam edən meşə yanğınları ilə bağlı xüsusi bəyanatla çıxış edib.

Mynews.az-ın APA-ya istinadən verdiyi məlumata görə, baş nazir təbii fəlakətin aradan qaldırılmasında qonşu ölkələrin göstərdiyi köməyi yüksək qiymətləndirib. “Gürcüstana ilk vacib kömək Azərbaycandan gəldi. Dünən Azərbaycandan gələn helikopter artıq yanğının söndürülməsində iştirak edir. Türkiyənin göndərdiyi iki helikopter də tezliklə prosesə qoşulacaq. Ermənistan da yanğınsöndürmə briqadaları göndərib”, - deyə G.Kvirikaşvili söyləyib.

Hökumət başçısı qeyd edib ki, Rusiya tərəfi də Gürcüstana kömək göstərməyə hazırdır, lakin onların yardımına ehtiyac yoxdur.

Qeyd edək ki, Gürcüstanda meşə yanğınları avqustun 20-də, günün ikinci yarısından başlayıb. Ərazidə əsən külək yanğının tam söndürülməsinə imkan vermir. Yanğınla bağlı xüsusi qərargah fəaliyyət göstərir.


Siyasət

Xəbər lenti