Səfir: Azərbaycan və Türkiyə prezidentləri Bakıda gələcək planlarını cızacaqlar
![](https://img.mynews.az/news/2017/10/photo_29710.jpg)
Azərbaycanın Ankaradakı səfiri Xəzər İbrahim Türkiyə prezidenti Rəcəb Tayyib Ərdoğanın Bakıya rəsmi səfərini dəyərləndirib.
Mynews.az-ın APA-ya istinadla məlumatına görə, səfir açıqlamasında bildirib ki, bu gün Türkiyə prezidenti Bakı-Tbilisi-Qars dəmir yolu xəttinin açılışı mərasimində iştirak edəcək. “Bu dəmir yolu xətti Çinlə Londonu birləşdirəcək”, - deyə X. İbrahim vurğulayıb.
Diplomat qeyd edib ki, sabah hər iki ölkə başçısının iştirakı ilə Azərbaycan-Türkiyə Yüksək Səviyyəli Strateji Əməkdaşlıq Şurasının növbəti toplantısı keçiriləcək.
“Türkiyə Azərbaycanın strateji tərəfdaşı olan qardaş ölkədir və biz qardaş ölkəyə güvənirik. Ölkələrimiz arasında əməkdaşlıq dinamik şəkildə inkişaf edir. Yüksək Səviyyəli Strateji Əməkdaşlıq Şurasının növbəti toplantısında qlobal əhəmiyyətə malik olan məsələlər və layihələr müzakirə olunacaq. Müzakirələrə əsasən ölkə başçıları gələcək planlarını cızacaqlar”, - deyə səfir bildirib.
İqtisadi əməkdaşlığa toxunan diplomat deyib ki, Yaxın Şərqin və Cənub-Şərqi Avropanın ən iri iqtisadiyyatına malik olan ölkə ilə Cənubi Qafqazın lideri arasında ticarət dövriyyəsi artır: “Nəticədə yeni regional reallıqlar yaranır”.
Hərbi sahədə əməkdaşlığa gəlincə, X. İbrahim bunu deyib: “Dünyanın ən güclü ordularından birinə malik olan Türkiyə ilə regionun ən müasir ordusuna sahib olan Azərbaycan arasında əməkdaşlığın genişləndirilməsi Qara dənizdən Xəzər dənizinədək ərazidə təhlükəsizliyə əhəmiyyətli töhfə verir”.
Siyasət
- Fransa Azərbaycandakı səfirini geri çağırıb
- İlham Əliyev 92,12 faiz səslə seçkilərdə liderdir
- "Biz haqq yolunda hər zaman bir-birimizin yanındayıq və yanında olacağıq"
- İlham Əliyev 2022-ci il dövlət büdcəsinin icrası ilə bağlı qanunu təsdiqlədi
- Azərbaycan Prezidenti İlham Əliyev Türkiyə liderinə məktub ünvanlayıb
- Türkiyədə seçki qutularının 97 faizi açılıb - Ərdoğan liderdir - YENİLƏNİR
Sizin üçün seçdik
İndi oxunanlar
Həftənin hitləri
- Azərbaycan dili üzrə natiqlik çempionatına qeydiyyat başladı 1123 dəfə oxunub
- “Nar” rouminq paketləri ilə səyahət daha sərfəlidir! 1055 dəfə oxunub
- Turisti geyiminə görə "Mall"-dan QOVDULAR - VİDEO 1050 dəfə oxunub
- Həccdə istidən ölənlərin sayı 922 nəfərə çatdı 1046 dəfə oxunub
- Ülvi və Fatimə qəzaya düşdü 1001 dəfə oxunub