Bu gün Milli Məclisdə 38 məsələ müzakirə olunacaq

Siyasət

09:41 31.10.2017

Bu gün Milli Məclisin növbəti iclası keçiriləcək.

Mynews.az-ın Trend-ə istinadla məlumatına görə, iclasın gündəliyinə Əmək Məcəlləsinə, "Diplomatik xidmət haqqında", "Dövlət əmlakının özəlləşdirilməsi haqqında", "Dövlət qulluğu haqqında", "Əmək pensiyaları haqqında", "Heyvanlar aləmi haqqında", "Təhsil haqqında" və digər bir sıra qanunlara dəyişiklil olmaqla 38 məsələ daxildir.

İclasda həmçinin "Xəzər dənizinin Azərbaycan sektorunda Azəri, Çıraq yataqlarının və Günəşli yatağının dərinlikdə yerləşən hissəsinin birgə işlənməsi və hasilatın pay bölgüsü haqqında" Azərbaycan Respublikasının Dövlət Neft Şirkəti ilə Azərbaycan (ACG) Limited, BP Eksploreyşn (Kaspian Si) Limited, Şevron Xəzər, Ltd., Ekson Azərbaycan Limited, İnpeks Sausvest Kaspian Si, Ltd., İtoçu Oyl Eksploreyşn (Azərbaycan) İnk., ONGC Videş Limited, Statoyl Abşeron AS, Türkiyə Petrolleri A.O. arasında Sazişin qəbul və təsdiq edilməsi, həyata keçirilməsinə icazə verilməsi məsələsinə baxılacaq.