Bu qanunlara dəyişikliklər ediləcək

Siyasət

12:25 26.01.2018

Milli Məclisin Gənclər və İdman komitəsi Milli Məclisin yaz sessiyası dövründə görəcəyi işləri açıqlayıb.

Mynews.az Trend-ə istinadən xəbər verir ki, Milli Məclisin Gənclər və idman komitəsinin sədriFuad Muradov komitənin bu gün keçirilən iclasında deyib ki, MM-in yaz sessiyası dövründə "Gənclər siyasəti haqqında" qanuna əlavə və dəyişikliklərin edilməsi, "Bədən tərbiyəsi və idman fəaliyyətində yetkinlik yaşına çatmayanların mühafizəsi haqqında" qanun hazırlanması nəzərdə tutulur.

Eyni zamanda, "İdmanda dopinq vasitələrinin və ya metodlarının istifadəsinə qarşı mübarizə haqqında" qanuna əlavələrin edilməsi, "Bədən tərbiyəsi və idman haqqında" qanuna əlavələrin edilməsi, Səhiyyə Komitəsi ilə birgə "Reproduktiv sağlamlıq haqqında" yeni qanun layihəsinin hazırlanması və müzakirəsi, "Azərbaycan gəncliyi 2017-2021-ci illərdə" Dövlət Proqramına uyğun olaraq, normativ hüquqi aktların gənclərlə bağlı müddəalarının təhlili və onların təkmilləşdirilməsinə dair təkliflərin hazırlanması planlaşdırılır.