Britaniya Parlamentinin Lordlar palatası ölkə hökumətinin Avropa İttifaqı vətəndaşlarına “Brexit”dən sonra ölkədə qalma hüququna zəmanət verməsini tələb edib.
Mynews.az bu barədə BBC-yə istinadən xəbər verir.
“Brexit” qanun layihəsinin müzakirəsi zamanı Lordlar palatasının 358 üzvü, Avropa İttifaqı vətəndaşlarının Britaniyada yaşama və işləmək imkanı verən müddəanın əlavə edilməsinə səs verib.
Bunun əleyhinə 256 palata üzvü çıxış edib. Nəticədə təşəbbüs qəbul edilib və hazırda qanun layihəsi İcmalar palatasına baxılmaq üçün göndərilib.
Britaniya mətbuatı qeyd edir ki, Lordlar palatasının qərarı – Tereza Meyin hökumətinin “Brexit” yolunda ilk böyük məğlubiyyətidir. Daha öncə o, sənədi düzəlişlərsiz qəbul etməyə çağırırdı.
